Áherslur

Hreyfing og öryggi

• Bætt skólalóð sem ýtir undir hreyfingu nemenda.
• Kenndir eru leikir sem nemendur geta farið í á skólalóðinni.
• Nemendur og starfsfólk er hvatt til að nýta sér virkan ferðamáta til og frá skóla.
• Nemendur og starfsfólk taka þátt í ákveðnum viðburðum varðandi hreyfingu.
• Skólinn hvetur og stendur fyrir þátttöku starfsfólks í Reykjavíkurmaraþoninu.
• Nemendur og starfsfólk er hvatt til að stunda íþróttir eða hreyfingu utan skólans.
• Nemendur fá reglulega fræðslu um mikilvægi hreyfingar.
• Íþróttir og leikir eru notaðir til að hrista saman nemenda- og starfsmannahópinn.
• Hvatt til meiri útivistar á haust- og vordögum.

Matarræði og tannheilsa

• Boðið er upp á hollt fæði í mötuneyti skólans og gott úrval af ávöxtum og grænmeti.
• Nemendur geta verið í ávaxta- og grænmetisáskrift.
• Aðgengi að drykkjarvatni er gott.
• Nemendur koma með hollt nesti í skólann.
• Nemendur  fá fræðslu um mikilvægi holls og góðs mataræðis.
• Nemendur fá fræðslu um tannhirðu og áhrif mataræðis á tannheilsu.
• Veitingar á fundum skólans taka mið af fjölbreytni og hollustu.
• Draga úr sætindum á kaffistofu starfsfólks.

Geðrækt

• Einkunnarorð skólans, samvinna, ábyrgð, tillitsemi og traust, eiga að birtast í öllu starfi og samskiptum innan skólans.
• Unnið er eftir SMT-agastefnu skólans.
• Nemendur og starfsfólk eiga að sýna hvert öðru virðingu og umburðarlyndi.
• Tryggt er að nemendur geti leitað til starfsfólks þegar þörf er á.
• Bekkjarfundir með nemendum þar sem þeir geta rætt um það sem þeim liggur á hjarta.
• Núvitund er notuð í starfi og leik með nemendum og starfsfólki, þar sem núvitund er talin bæta geðheilsu og draga úr kvíða og streitu.
• Nemendur og starfsfólk fá reglulega fræðslu um gildi geðræktar og hvernig best sé hlúð að andlegri heilsu og líferni.
• Starfsfólk getur rætt um starf sitt og líðan við samstarfsfólk og stjórnendur.

Lífsleikni

• Nemendur á eldri stigum fá reglulega fræðslu um skaðsemi tóbaks og vímugjafa.
• Nemendur fá reglulega fræðslu um afleiðingar eineltis.
• Nemendur fá fræðslu um afleiðingar skjánotkunar.
• Unnið er markvisst að forvörnum sem snúa að einelti og vímugjöfum.
• Lögð er fyrir könnun um líðan og tengsl milli nemenda að minnsta kosti tvisvar á ári og unnið markvisst með niðurstöðurnar.
• Allir leggja sitt af mörkum til að efla góðan starfsanda í skólanum.

SÁTTMÁLI GEGN EINELTI
Við nemendur í Áslandsskóla líðum aldrei einelti. Við erum sammála um að vinna saman gegn einelti. Koma fram við aðra eins og við viljum að aðrir komi fram við okkur, vera vinir og bera virðingu fyrir hvert öðru.

Aðgerðaráætlun í samskipta og eineltismálum
Starf Áslandsskóla tekur mið af agakerfinu SMT (School management training) og mikil áhersla er lögð á samvinnu, ábyrgð, tillitsemi og traust. Skólinn hefur skýrar reglur og vinnuferli um hvernig tekið er á samskiptavanda/einelti.

Aðgerðaáætlun í samskipta og eineltismálum Áslandsskóla: Tengill inn á verkferil

Skilgreining á einelti
Einelti er síendurtekið áreiti sem beinist að sama aðila í lengri eða skemmri tíma. Í því felst misbeiting á valdi þar sem meintur þolandi getur ekki varið sig. Einelti á sér stað milli tveggja einstaklinga eða einstaklings og hóps. Einelti getur birst í ýmsum myndum eins andlegu, líkamlegu og rafrænu einelti.

Skilgreining á samskiptavanda og einelti

Til umhugsunar:
Það er ekki einelti þegar einhverjum er strítt á góðlátlegan og vingjarnlegan hátt. Það er heldur ekki einelti þegar jafningjar slást eða rífast. Það er ekki einelti nema um sé að ræða ójafnvægi afls og valda í samskiptum. Sá sem verður fyrir áreiti á erfitt með að verja sig og er varnarlaus. Það er ekki form eineltis sem skiptir mestu máli heldur hvaða áhrif það hefur á þolandann. Mikilvægt er að hafa í huga að gerendur eru ekki alltaf meðvitaðir um hversu sársaukafullt eineltið er. Allir geta lent í eineltisaðstæðum, annað hvort sem þolendur, gerendur og/eða meðhlauparar. Stríðni, átök og einstaka ágreiningur milli nemenda þarf ekki endilega að teljast til eineltis.

Það er markmið Áslandsskóla að halda uppi virku forvarnarstarfi gegn einelti.

• Nemendur fá fræðslu um einelti og birtingarform þess
• Reglur skólans um einelti eru kynntar fyrir nemendum og ræddar
• Bekkjarreglur og veggspjald eru hengd upp í hverri stofu
• Tengslakannanir lagðar fyrir eftir þörfum
• Kennari velur í sæti og hópa
• Nemendasamtöl
• Góð bekkjarstjórnun
• Eftirlit innan skólans
• Starfandi eineltisteymi
• Vinabekkir
• Allir sem starfa innan skólans fylgjast með og láta vita um neikvæð samskipti

Æskilegt er að vitneskja um einelti berist fyrst til umsjónarkennara. Einnig er hægt að hafa samband við námsráðgjafa eða stjórnendur. Eineltismál eru mismunandi og fer vinna hvers máls eftir eðli þess.

Þegar grunur um samskipta eða eineltisvanda vaknar skal fylgja eftirfarandi ferli:

Öll samskipta og eineltismál, grun eða staðfestingu, skal skrá á sérstakt eyðublað. Umsjónarkennari ber ábyrgð á skráningu og lætur afrit til námsráðgjafa sem heldur utan um allar skráningar. Skráning er liður í að hafa yfirsýn yfir eðli og umfang samskipta og eineltismála í skólanum.

Tengill inn á tilkynningu

Vinnuferli 1

Rökstuddur grunur um einelti. Unnið samkvæmt vinnuferli 2

Ef ekki tekst að leysa eineltismál í skólanum er málið tekið fyrir í Brúarteymi skólans til frekari meðferðar.

Fuglar

Hrós í ýmsum myndum er notað sem jákvæð hvatning. Fugl er gefinn fyrir jákvæða hegðun nemandans, til dæmis fyrir að fara eftir skólareglum eða sýna framfarir. Unnið er með fjóra fugla sem mynda skólamerki Áslandsskóla. Þannig getur nemandi fengið rauðan, gulan eða grænan fugl fyrir að sýna jákvæða hegðun.

Stoppmiðar

Stoppmiði er veittur vegna óæskilegrar hegðunar, oft í kjölfar aðvörunar. Allir stoppmiðar eru skráðir í skráningarkerfi Mentor og er unnið með þá eftir ákveðnu agaferli sem flokkað er í þrjú stig brota. Á stoppmiða er skráð hvað gerðist, hvar atvik átti sér stað, hverjar voru mögulegar ástæður og afleiðing óæskilegrar hegðunar.

SMT-teymi

Við skólann starfar SMT-teymi sem sér um utanumhald og áframhaldandi þróun SMT-skólafærni í Áslandsskóla. Í teyminu sitja skólastjórnandi og 5–6 kennarar. Teymið tekur við ábendingum um allt sem viðkemur SMT og fundar mánaðarlega eða oftar ef þörf krefur.

Í tengslum við SMT-teymið starfar SÁTT-ar teymi. Teymið er lausnaleitarteymi en þangað er hægt að vísa erfiðum nemenda- og bekkjamálum sem teymið tekur til skoðunar með það í huga að leysa vanda sem upp er kominn.

PMT- foreldrafærni

SMT- skólafærni stendur fyrir School Management Training og byggir á PMT- foreldrafærni (Parent Management Training). Skólaskrifstofa Hafnarfjarðar í samvinnu við félagsþjónustuna og heilsugæsluna býður upp á námskeið fyrir foreldra til þess að vinna eftir PMT. PMT-foreldrafærni byggir á kenningu Dr. Gerald Pattersons og er oft kennd við Oregon-fylki í Bandaríkjunum og kallast þar Positive Behavior support (PBS).